Mien plattdüütsch Eck / Lateerns

Kultur | Sprache

Irgendwo in us Ammerland - Lüttje Kinner loopt in Schummern
op de Straat van Hus to Hus
un een moie bunt' Lateerne
hoolt se fast in ehr lütt Fuust.

Warm fallt de Lateernenschien
op de Gesichter van de Göör'n
un ut vääle lüttje Kehlen
is een fienet Leed to höör'n.

"Ik gah mit miene Lateerne
un miene Lateerne mit mi
dar baben lüchten de Sterne
un ünnen dar lüchten wi!"

Dör dicke Wulken seilt de Maand
an Häven siene Bahn.
Kickt dal op de Lateernenkinner
sütt se vergnöögt na Hus hen gahn.

Överlevert

Woortverklaarn:
Lateerns=Laterne; schummern=halbdunkel; Fuust=geballte Hand; seilt=segelt; Häven=Himmel.

Schlagworte: Kultur / Sprache

Geschrieben auf: mein-edewecht.de