Mien plattdüütsch Eck / Pingsten

Kultur | Gedichte und Kurzgeschichten

Ammerland - Blomen in't Haar! Witte Blomen in't Haar!
Moje tiet! Grööne Tiet! Pingsten is dar!
Allens, wat güstern noch duuknackt un deep in'e Eer, in Tacken un Telgen sleep, Wischen un Feller, de Strüük an'e Straat wiest woller stolt ären Maientietsstaat.

Luster, wo selig dat Vagelvolk singt!
Wo dat dör Garen un Kruuthoff henklingt!
Hell lacht de Sünnschien. Gääl brennt de Braam.
Vörjahr, dat reckt sik nu haalt ganz deep Aam.
Dießel un Doorn sülm, de weert dar gewahr:
Schöne Tiet! Grööne Tiet! Pingsten is dar!

Kiek is, bi't Heck de ool düstere Dann!
Vääldusend Lechter, de steek se sik an.
Hart, o mien Hart! Maak ok du di nu praat!
Weg all, wat soor is! Noch is nich tolaat!
Schöne Tiet! Grööne Tiet! Hooch-Tiet van't Jahr!
Bleuh-Tiet un Freu-Tiet! Pingsten is dar!

Tohopriemelt van H.D.

Woortverklaaren:
duuknackt=gebeugt; Tacken=Zweige; Telgen=Äste; sleep=schlief; Braan=Besenginster; Aam=Atem; Lechter=Lichter; praat=fertig/bereit; soor=trocken/abgestorben;

Schlagworte: Kultur / Gedicht

Geschrieben auf: mein-edewecht.de